Nonsens

Məni bağışlayın..

Özüm özümü bağışlaya bilmirəm çünki..

Buralara çox yad hiss edirəm..

Atamı anamı belə sevə bilmirəm artıq.

***

Nifrət dolub içimə.

Heç sevgili də istəmirəm.

Onsuz hamısı başı boş qızlardı.

***

Eqo düşkünüyəm. Sizinlə oxşar cəhətim təkcə budu.

Başıbağlı, balağı kəsiklərin dininə də inanmım qalmayıb.

Şeytanla müqavilə imzalamışam sanki.

***

Söyürəm hər gün.

Bu yazını oxuyanlardan tutmuş əlifbadan xəbəri olmayanlara qədər.

Özümü isə daha çox söyürəm.

***

Allahdan yeni tale istəyirəm.

Güzgüdə alnıma baxdım bəyənmədim ordakı yazını.

***

Gülürəm hər gün.

Problemlərdən, sui-qəsddən danışan 15 yaşlı uşaqlara.

3 günlük aclıqdan sonra tarakan yeyən yetimçələrə də.

Bizə gülürəm.

Sizə gülürəm.

Onlara gülmək istəyəndə ağlayıram.

***

Şizofrenik fikirlərimi işə salıram:

Güzgü, mən və ülgüç.

Saqqalımı yox kapilyarlarımı ayırmaq istəyirəm bədəndən.

***

Bu gün nəşənin də dadına baxdım,

Çox fərqlənmir siqaretdən.

Niyəsə beynim dumanlanır.

Ola bilər dünənki içkidən?

***

Mənim qaram dostum gileylənir öz dərisindən.

Gəl götür mənimkini.

Nə fərqi var ay axmaq dəyişməyəcəksənsə içindən?

***

Bacısı fahişə küçə uşaqları,

Özünə qlamur deyən qızın silikon dodaqları,

Sunidi gülüşü həm tatulu qaşları.

Hiphop, oldskul, nyuskul,

Tupakın vayt niqqa cocuqları,

Emo, qotika, rokerlər

Azrepperlər!

Yox bir, az-skinhed, az-baykerlər!

Anarxistlər, mazaxistlər, pedofillər!

“Deputa madre stuff”ın

T-shirtdəki çegevaraları,

Bakının təzə komunist avaraları,

Masturbativ hərəkətlərdi hamısı:

Hərəkatları, cərəyanları,

“Alma”ları, “Dalğa”ları..

***

Soruşursan hamıya nifrət hissi hardandı məndə?

Bil, yeyib ürəyimi qəlbimin qara qarğaları..

Bəs sən danış bu qədər düşkünlük qızlara hardandı səndə?

Satarsan bir gecəsinə qardaşını öpsə səni küçə xalaşkaları..

İçimdəki nifrəti töksəm bu şəhərə dayanmaz zəhər şkalaları..

Ona görə sus, danışma, əbsəm ol, kəs səsini!

Münasibətsizliliyini mükəlləfiyətə çevirdi Bakının ağ-qara kvartalları.

İndi də sarsaqlaşmış, sərsəmləşmiş insanlar üfünət iyi hopdurur beyinlərə..

***

EPİLOQ ƏVƏZİ

- Bəsdir az-ya, sus artıq..

- Bilirsən uşaqlıqda polis olmaq istəyirdim …

- Ha-ha! Ona görə indi bölmədəsən?

- … amma ona görə yox ki, polis olmaq yaxşıdır …

- Mən də kosmonavt olmaq istəmişəm. Sus də!.

- … sadəcə polislərə tapanca gəzdirməyə icazə verirlər…

- Yaxşı də, yaxşı. Sus, qoy rahat işimizi görək!

- … deyirdim ki, tapanca olsa istəmədiklərimi öldürərdim.

- Ha-ha-ha? Öldürərdin? Ha-ha! Kimi öldürərdin?

- Bu dəqiqə səni.

- Niyə məni ay axmaq?

- Çünki indi ən çox özümə nifrət edirəm…